1. Qonaq sayına uyğun zal seçin
Qonaq sayından xeyli böyük zal boş və narahat görünə bilər. Kiçik zal isə sıxlıq yarada bilər.
2. Məkanın yerləşməsinə diqqət edin
Qonaqların hansı ərazilərdən gələcəyini nəzərə alın. Məkanın nəqliyyatla əlçatan olması vacibdir.
3. Avtodayanacaq imkanını soruşun
Şəxsi avtomobillə gələcək qonaqlar üçün parkinqin olub-olmadığını əvvəlcədən öyrənin.
4. Menyu və xidmətləri dəqiqləşdirin
Menyuya hansı yeməklərin daxil olduğunu, nəfər başına qiyməti və əlavə ödənişlərin olub-olmadığını soruşun.
5. Zalın səs sistemini yoxlayın
Müğənni və ya DJ dəvət edirsinizsə, mövcud səs sisteminin həmin proqram üçün uyğun olub-olmadığını əvvəlcədən müəyyənləşdirin.
6. Səhnənin ölçüsünə baxın
Canlı musiqiçi heyəti və ya böyük musiqi qrupu olacaqsa, səhnənin ölçüsü mühüm amildir.
7. İşıqlandırmanı nəzərə alın
Səhnə, zal və foto-video çəkilişi üçün işıqlandırmanın necə təşkil edildiyini soruşun.
8. Tarixin boşluğunu dəqiqləşdirin
Bəyəndiyiniz məkanın tədbir tarixində boş olub-olmadığını əvvəlcə yoxlayın.
9. Ödəniş və beh şərtlərini yazılı şəkildə dəqiqləşdirin
Beh məbləği, son ödəniş tarixi, dəyişiklik və ləğv şərtləri əvvəlcədən aydın olmalıdır.
10. Müğənni və DJ üçün məkanın uyğunluğunu yoxlayın
Tədbir məkanını seçməzdən əvvəl dəvət etməyi planlaşdırdığınız müğənni və ya DJ-in texniki tələblərini də nəzərə alın.